Alatoran

Salam, eziz oxucular!
Keçen günde xoş bir xeber aldım. Bele ki, menim "Yağış" adlı şerim bu günlerde çapdan çıxmış "Alatoran" jurnalında neşr olunub. Bu işde emeyi keçen her kese, hemçinin, meni bu jurnalla tanış eden İli'ye ve jurnalın Baş Redaktoru Rasim Qaraca'ya öz minnetdarlığımı bildirirem.

Aktiv satıcılar:-)

Təxminən 1 ay yarım bundan əvvəl Azerphoto foto-informasiya agentliyinin HP'nin baş sponsorluğu ilə təşkil etdiyi "Mobiloqrafiya 2" Fotohəvəskarların ikinci İnternet Müsabiqəsi başa çatdı. Bu müsabiqədə mənim İstanbulda çəkdiyim və "Aktiv satıcılar" adlandırdığım şəkil qalib olaraq 3-cü yeri qazanmışdı.

İndi bu xəbəri bura yazmağıma başqa 1 səbəb var: belə ki, Azerphoto'dan aldığım məlumata görə menim bu şəklim bu günlərdə İngiltərədə dərc olunan "Araz" qəzetində nəşr olunub. Xəbəri eşidəndə çox sevindim və biriləri ilə bölüşmək istədim, onun üçün də bura yazdım, çünki sevinc dostlarla paylaşılır...:-)

Yağış..

Yağış.. Damlaların səsi..

Küləkli hava. Tutqun səma.

Ağacların ürkək naləsi...

Bir çətir altında bir-birinə sığınmış iki gənc…

Soyuq hava, isti nəfəs

Soyuq əl, isti ürək

Soyuq üz, isti baxış

Yaxınkən uzaq bir məsafə...

Sakitlik...

Yağış. Damlaların səsi.. 

Küləkli hava. Tutqun səma.

Ağacların ürkək naləsi...

Tək bir gənc pəncərə kənarında...

Soyuq nəfəs, isti otaq

Soyuq ürək, isti əl

Soyuq baxış, isti üz

Çılpaq bağı xatırladan bir təəssüf...

Yenə yağış, damlaların səsi,

Küləkli hava. Tutqun səma.

Ağacların ürkək naləsi...

Lap elə həmin gün, həmin məkan,

Sadəcə bir neçə saat keçmiş...

Soyuq hava, isti otaq

Çılpaq bağ, boş otaq

Pəncərə kənarına qoyulmuş bir varaq...

"Bir şer yazdım bugün

Natamamdı bəlkə

Bəlkə de davam etdirəcəm... Bilmirəm...

Bir şer yazdım bugün

Sənə ithaf edirəm..

Bu gedişinə..

Uğurlu yolculuklar!

Soyuqluq duymayasan sən bugünkü hava tək.

Orda Gün doğarsa soyuqluq olmaz bəlkə

sən döndüyündə... Bilmirəm...

Bir şer yazdım bugün

Sənə ithaf edirəm..

Bu gedişinə..."

Hələ də yağış.. Damlaların səsi..

Küləkli hava. Tutqun səma.

Ağacların ürkək naləsi...

Soyuq hava, soyuq otaq

Çılpaq bağ, boş otaq

Pəncərə kənarında qalmış bir varaq...

Müəllif: R. Hacızadə